+ الرد على الموضوع
النتائج 1 إلى 4 من 4

الموضوع: ابوذيات

  1. #1
    Forlan26 غير متواجد حالياً شطوط عطال بطال
    تاريخ التسجيل
    Aug 2011
    المشاركات
    17

    افتراضي ابوذيات

    اريد اطفر حديقتكم والم تين
    وادور وين المربرب والمتين
    فراكك حيل عذبني والمتين
    اشوفك وين واحجيلك البية
    ــ...ـــــــــــــــــــ...ــ
    جمالك زاد عن يوسف _وقبله
    حبك صار لي معبد _وقبله
    ادوس اعلة الجمر يسمر_وقبله
    _لان كلبك صبح جمر عليه

    هجرك ياولف صايربلا حد_مثل سيف اليكص ركبةبلا حد_ رحت وانة انتضر ترجع بألاحد_ اجة ألاحد ويمته اتعود اليه

    غرامك نحل اعضامي وشلهة_وحتى ادموع اللبعيني وشلهة_اقدم الروح الك فدية وشيلهة_الك ياأغلى من روحي علية_

    حبيبي إبتعدعني ارجوك وإنسه_وعشرتنه انتهت يهواي إنسه_
    لإن حبك طلع وياي ونسه_جنت ظايج وردت تتسلى بيه

    إلك بس هل دمع عيني وإلك صب_ وإلك ساس بوسط روحي وإلك صب_ سهم هجرك دخل صدري ولك صاب_ دليلي وصار طشاره بديه

    العشك رحمه من ربك ونته منه.وكظينه العمر نحلم ونته منه.كون انصير منك ونته منه.وحته بموتنه ساعه سويه.

    وسفه الدهر شتتكم وطركم
    حسافه ماكضه منهم وطركم
    بذجركم هذا انه اهذي وكركم
    يعيد الله شتتكم جمع ليه

    زماني جرد اسيوفه وسنهه
    عليه اوحرمت عيني وسنهه
    وحق اللي فرض خمسه وسنهه
    بعد هيهات عيش ايصير اليه

    حبيبي دك بذرعانه ولجتاف
    بضلعي جاسي اللبي ولجتاف
    رضينه بحبس دندوشه ولجتاف
    وهي سجاني وتفتر عليه

    مر ولفي ايهبتني ومره هبته
    ومره اوصلت يمه مره هبته
    طحت مقدر يصاحب مره هبته
    اسد يخسه الاسد ملقاه اليه

    ابنار الهجر يامهجه دموعاي
    على مصابي السمه يمطر دموعاي
    اشما هلن يدندوشه دموعاي
    حسناتج تبدل بالف سيه

    سريتوا بالضعن ياترف هاوين
    جفيتوني ولعند الغير هاوين
    هاميت يحلو الطول هاوين
    حياتي والنظر اقبالك عليه

    وحم الالف واللامين والها
    روحي بهوى ساهي العين ولها
    لها ثغر وجبين وعين والها
    خذ شبه البدر لو سطع ضيه

    من مثلي دمع عيني يهلهه
    سبب غالب على روحي يهلهه
    وعلي تحيولكم ميت يهلهه
    من تبدي ترد الروح اليه

    حزني عليك مايبطل وناحي
    اسب اللامني بودك ونا حاي
    تبات الناس مستوره ونا حاي
    ليلي والنجم يشهد عليه

    وحك آية عصا موسى وسينا
    الك حثت رجايبنه وسينا
    الك حسن النبي يوسف وسينا
    الي والنور الك والنار اليه

    يحادي روعت قلبي بلحداي
    يخايب لفني وياهم بلحداي
    اون طول الدهر حتى بلحدي
    على الساروا وخلوني شجيه

    كل مغرم برت علته وناله
    سعيد اللي حضه بشخصك وناله
    الطارش من سمع نوحي وناله
    ترك شغله وبجه رحمه عليه

    حبيبي جفاك المعبودج صبراي
    حبيبي كمت اكل للروح صبراي
    حبيبي من ذكرتك نفذ صبراي
    حبيبي يصب فراقك عليه

    الدمع نهران بخدودي كراهه
    حبيبي سلب من عيني كراهه
    ليش امحبتك صارت كراهه
    اشبده مني

    ابكثر مانوح ملوني يراني
    طحت والشامت ابعينه يراني
    يخوتي السبع من جسمي يراني
    اكبال اهلي وعمامي اتشوف هيه

    اف من زماني اه منه
    على اللي عشرتي وياه منه
    اكله الدرب هذا يكول منه
    اكله فوت بيه يرد عليه

    دمه دمع البيابي سال وانهات
    عليك اكضي العمر حسرات وانهات
    بهواك انه اعذلتني الناس وانهات
    ما خذني الهوه غصبن عليه

    المصايب بس على روحي تلافت
    يقلبي اعله النكر طيبك تلافت
    اون وعطامي بهجرك تلافت
    طريح وساد دوب النفس بيه

    عفاني جيف الى مهجه ولي روح
    اداري بالعلل كلها ولي روح
    ماني بحال من يبكه ولي روح
    ابحالك يالقطعت الوصل بيه

    روحي مشت وياهم وهامت
    على الما بينت منهم وهامت
    اجفوف اعليك اطيرها وهامت
    واخلي ادموم تجري اعلى الوطيه

    تهت محد من احباب علي شار
    ينجيني الذي شمسه علي شار
    حجيت المصلحه طلعت على شار
    رجيت الغانمه صارت رديه

    هذا اللي لعند اعضاي هد هد
    ملهي وابد ماينصاد هد هد
    اكله اقرب يقلي ليك هد هد
    ارفع مشتهاك اشتظن بيه


    سوق العراق
    اخر مواضيعي:

  2. #2
    الصورة الرمزية عازف الاهات
    عازف الاهات غير متواجد حالياً شطوط مدير عام الدائره
    تاريخ التسجيل
    Feb 2011
    الدولة
    =عراقي وافتخر=
    المشاركات
    9,749

  3. #3
    الصورة الرمزية ابن العراق
    ابن العراق غير متواجد حالياً شطوط اتعيين ويقبض راتب
    تاريخ التسجيل
    Dec 2009
    الدولة
    العراق الجريح
    المشاركات
    1,327

    افتراضي

    رررررررررررررررروووووووعه
    اخر مواضيعي:

  4. #4
    الصورة الرمزية فراس التكريتي
    فراس التكريتي غير متواجد حالياً شطوط ينتظر موافقه التعيين
    تاريخ التسجيل
    Jul 2011
    الدولة
    العراق الغالي
    المشاركات
    437

    افتراضي

    موضوعك روعه وذوق أجمل
    أرجو أن تتقبل مروري البسيط
    ونتمنى لك المزيد من التالق والأبداع ...... مع الاحترام والتقدير
    اخر مواضيعي:

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 3 (0 من الأعضاء و 3 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك