قفشات ( صور شعرية ) شعر شعبي

19-05-2012

السلام عليكم
تحياتي لجميع الأعضاء
طبعآ هاي اول مشاركه الي
اتمنى ان تنال اعجابكم .

قفشات ( صور شعرية )

صورة المرحوم صوتك !!
داگهه بحايط اذاني ..
******
عفتني اتگول قاط معلگ بكنتور
وضل يحسب ثواني لفرحة الزهره
********
العافيه بدونك مرض كلش خبيث
والمرض وياك صحه وعافيه ..
*********
فقر دم بيه عادي واهتميت
فقر ماي بغيابك صاب العيون
*************
حسبالك وراثه اعيوني صارن سود
فص العين سوس من حلاتك ..
**********
اخ يالتمشي بعشگ كله گزاز
دير بالك خاف گلبك ينجرح
***************
بيه حسرة طالب مگرم يعيش
اتشيط روحه لو سمع كلمة قيام
*********
من اتصوبت حسبالي يبچون
گالوا ما وگع واگف حرامات
*************
شفتك وي غيري هواي فرحان
بس وياي چنك ماشي بجنازه
*************
اعيوني مشتهره بغيابك
بالفواتح گاموا يطلبوهه
**********
اودعنه ابچي !!
حتى الطعني وراح ..
***********
چنت اشتاقلك وبصفي ما الگاك
اطلع خنجرك من ظهري واشتمه
****************
جبت وين اليتيم العمره السنتين
يبچوني اعله هجرك بلكت ارتاح
************
الشمع من ينذبح !!
يبقى يرافس ضوووووه
******

فكره عن القفشات ..
هي ابيات تكتب اما لوحدها كلوحه او صوره شعريه .. او تؤخذ من قصيده كأقوى صوره شعريه فيها
ويعتبر الشعراء .. ان بعض القفشات انها تمثل قصيده بأكملها

أتمنى ان تنال اعجابكم