موضوع مغلق
النتائج 1 إلى 6 من 6

الموضوع: قصائد + ابوذيات + ومضات للشاعر عبد الحسين الحلفي

  1. #1
    الصورة الرمزية رنوووش
    رنوووش غير متواجد حالياً شطوط موظف وراتبه طاك كلش
    تاريخ التسجيل
    Jun 2012
    الدولة
    ‏~‏آلعراق ~(البصره‏)‏‏'‏‏‏$‏¤
    المشاركات
    4,324

    Hjonv32n Shosho قصائد + ابوذيات + ومضات للشاعر عبد الحسين الحلفي

    قصائد + ابوذيات + ومضات
    للاستاذ والكبير
    الشاعر
    عبد الحسـين الحلفي


    إبحلاتك سيد وينكالك مولاي
    ومن كد مادخت كتلك يمولاتي
    شفتك غوشت عيني وكمت ماشوف
    درت وجهي صفح شافتك اذانانتي ؟



    من كد ما حلو محد مشة وياك
    وألماشاك هم ما ظل يماشيك
    إهو ماشاف دربة إتعثر وطاح
    لإن كضاها بس يعاين إعليك !!



    أحبك حب ولا مر إعلة أنسان
    وتدري أشكد أحبك راح أفهمك
    إحلمت آنة بالجنة وأنتة بالنار
    أكفّر كمت حتة أنتقل يمك ""



    مو بس آني أذوب وأخدر إعليك
    إمن أحلم بيك حتة فراشي يخدر
    منو ألكال ألكمر يفتر على ألكاع
    ألكمر شافك وداخ وكام يفتر



    قشمروني وجان ظنهم قشمروك
    وغلطو أكبر غلط جي ما فكرو
    عود باعوني وعلى عنادي أشتروك
    وأنتة آنة إذن هم أتقشمرو




    على نار أنتظر ومتاني ألأحباب
    وإندك باب بيتي وألكلب ذاب
    إطلعت للباب عود ألباب أفتحة
    لكيت ألباب طالع فاتح ألباب



    حلو وتتكلب ويختلف وضعك
    وكذلتك طايرة وتلعب على ألريح
    ألوحيد أنت حلو ومحد يتبعك
    لإن من تمر كلهة تدوخ وتطيح



    شحلات أللي تحبه كبل ميروح
    بحلات آخر نفس من تكظي ألأنفاس
    وحلات ألعيد أول يوم بالعيد
    وحلاتك من تجيني أول ألناس



    إسهامك عذبني كطعني
    وأرافس وإضحكت جي ضحك سنك
    إشردت منك أحس مرتاح لني
    إطلعت بيك آني شارد موش منك



    إبوطنة ألضحكة شردت من ألحلوك
    وألعيدية دوم إمزاعلة ألأيد
    يجينة إلعيد جان ومامش هدوم
    هسة هدوم عدنة ومايجي إلعيد



    ألجمال ألبيك دايخ هوة بيك
    ويمكن أيدك تخدر إمن تكض أديك
    أنتة ربك خالقك بس شكل خاص
    يمكن إمسويك إلة يعاين عليك


    هوة غيرك من أشمنة أموت
    لاكن أرجع عدل من أشتم هواك
    تدري آنة أشكد أحبنك بحيث
    من تهد أنت علية أفزع وراك



    الحكومه انطت شعبها ارقام ورقام
    حتة يخابر ويشرح إهمومة
    شعب خارج نطاق التغطية يعيش
    إذن شيسوي برقام الحكومة



    كل حلو ينباس بس إنت الوحيد
    دخنه بيك وعدنة صارت هوسة
    خدك يكهرب واليبوسه يطيح
    كمنه من إبعيد ناخذ بوسة



    يل رحت زعلان من عندي ومشيت
    إعذرني جي خليتك بزعلك رحت
    لأن مالحكت اكلك لاتروح
    بس ثكل وجهك عليّ آنه طحت



    جم محب حاول كدر ينسه الحبيب
    وآنه من أنساك اظل دايخ عليك
    إنت حبك يختلف فد شي غريب
    حته نسيانك حلو يذكرني بيك



    عذاب البرزخ آنه تعذبت بيك
    ولكن بالكلب ظل حبك إيزيد
    وإذا كالولي عوفه وجنه ننطيك
    أريدن برزخك أي جنه ماريد



    عليك الكلب ثابت قفل مقفول
    وأموت وما أدور عن بديلك
    ماحب الصلاه بس كمت أصلي
    أصلي لخاطرك حته أندعيلك



    كلبت بوراقي بس إسمك لكيت
    وماكو غير اسمك إسم بوراقي
    كلها كالت راقي عنك من إجيت
    وكلها كالت ماكو غيرك راقي


    ــــــــــــــــــــــــــــــــــــــــــــــــــ ــــ


    أذا احجي وي غيرك قصدي وياك
    واذا حبـــــــيت غيرك انت أعنيك
    مــــااذكرك بـــــــس جذب أنساك
    واذا أنا اذكـــرت يعني أنا ناسيك
    عقلي الماعرف هــــــــذا ولاذاك
    ولاأنا الـعرفني شــــــعـرفه بـيك
    ماأفتهم كل شي بغير طـــــرواك
    مسودن وأفتهم كل شي منلاكيك
    كتبت راح أكرهك وتوقع أنساك
    حدرها وقعت صرت أنا مجنون
    رجعت أتأكدت شو طلعت أهواك
    ردت أمسحها زادت ترست الكون
    أذن أهواك كون يدور بيه
    ولابيها مجال أنساك هيهات
    واذا انه ارد اكلك كافي جيه
    لساني أيكول مو تكطع الجيات
    زين لساني شوف جفوف أيديه
    على مودك يسرتي لوت يمناي
    ينسني من احضنك هاي هيه
    اردن هاي كوه اتروحلك هاي
    ضجت منك وكلبي أسوه بيه
    كطع نبضه وزعل وتعارك وياي
    ــــــــــــــــــــــــــــــــــــــــــــــــ

    شحلات الي تحبه


    شحلات الي تحبه قبل لي يروح*** بحلات اخر نفس من تكضي الانفاس
    وحلات العيد اول يوم بالعيد*** وحلاتك من تجيني اول الناس
    افك ريجي بصباح الخير يفلان*** وصباح النور منك تاج عالراس
    تعال وجيب خدك واكتل الليل *** كبل خدك ضوه خدودك الينباس
    تعال شعطلك ما جيتني شبيك*** اريدن بيك افوز وارفع الكاس
    تساويني بنظر عينك وي الغير *** اذا عينك عمت باوع بالاحساس
    ولك شوف الورد مايملك عيون *** وبلحضة الشم يميز الناس
    شكد تخطر ابالي والك اشتاك *** ولالحضه اعله بالك بيها اخطر
    تعال واغلط وياي وانته معذور*** ومو انه الاعذرك انته تعذر
    حتى صيامي يفرق عن الاسلام*** حسب جيتك يجوز يطول اشهر
    تعال ومر علي حتى لو رمضان*** اشوفك عيد كبل العيد وافطر
    تعال شبيك ادخلك جنة اشعار*** وافرك احلى فره بين الاسطر
    ولك حتى السما من تحن عالكاع*** تضل تبجي ومطر عالكاع تمطر
    تعال شعطلك ما جيتني شبيك **** انه وبيتنه وشارعنه ننطر
    كل ساعه اطلع اسمع صوت عالباب*** اثاري الباب ظل بروحه يسطر

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ


    سوق العراق
    اخر مواضيعي:

  2. #2
    الصورة الرمزية أحمد علم دار
    أحمد علم دار غير متواجد حالياً شطوط نائب رئيس البرلمان
    تاريخ التسجيل
    Jan 2011
    الدولة
    ديالى الخير - بعقوبة الوفاء
    المشاركات
    47,591

  3. #3
    الصورة الرمزية رنوووش
    رنوووش غير متواجد حالياً شطوط موظف وراتبه طاك كلش
    تاريخ التسجيل
    Jun 2012
    الدولة
    ‏~‏آلعراق ~(البصره‏)‏‏'‏‏‏$‏¤
    المشاركات
    4,324

    افتراضي

    تسلم لمرورك
    ولكلماتك باقة ورد
    تحيه

    اخر مواضيعي:

  4. #4
    الصورة الرمزية غوالي الروح
    غوالي الروح غير متواجد حالياً عضوية التميز
    تاريخ التسجيل
    Mar 2012
    الدولة
    من عالم الخيال
    المشاركات
    16,430

    افتراضي

    موضوع في قمة الخيااال
    طرحتي فابدعتي
    دمتي ودام عطائكي
    ودائما بأنتظار جديدكي الشيق

    لكي خالص حبي وأشواقي
    سلمتي اناملك الذهبيه على ماخطته لنا
    اعذب التحايا لكي


    اخر مواضيعي:

  5. #5
    الصورة الرمزية النجم الراحل
    النجم الراحل غير متواجد حالياً شطوط موظف وراتبه طاك كلش
    تاريخ التسجيل
    Dec 2010
    المشاركات
    4,689

    افتراضي

    روعه يســــــــــــــــــــــــــــــــــــــــــــــــ ـــــــــــــــــــــــــــــــــــــــــلمووووووو ووووووووووووووووو
    اخر مواضيعي:

  6. #6
    الصورة الرمزية حارقة الماضي بأسره
    حارقة الماضي بأسره غير متواجد حالياً شطوط مدير عام الدائره
    تاريخ التسجيل
    Jan 2011
    الدولة
    ♪♫♥ في كل لمــــــــــــة حزن تكدر تلاقيـــــــــــني♥♪♫
    المشاركات
    9,275

    افتراضي

    شكـــرااا رنووشةةة على الموضــــوع
    اخر مواضيعي:

موضوع مغلق

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 34 (0 من الأعضاء و 34 زائر)

     

المواضيع المتشابهه

  1. اجمل قصائد الغزل للشاعر المرحوم عبد الحسين الحلفي(
    بواسطة رنوووش في المنتدى ديوان الشعر الشعبي
    مشاركات: 6
    آخر مشاركة: 03-08-2012, 02:32 PM
  2. مجموعة ابوذيات للشاعر عبد الحسين الحلفي
    بواسطة لولو كاتي في المنتدى الابوذية والدارمي والزهيري
    مشاركات: 5
    آخر مشاركة: 26-09-2011, 02:04 AM
  3. ابوذيات جميله للشاعر عبد الحسين الحلفي
    بواسطة العقرب الاسود في المنتدى الابوذية والدارمي والزهيري
    مشاركات: 10
    آخر مشاركة: 07-05-2010, 01:18 AM
  4. قصائد حلوه للشاعر جمعه الحلفي
    بواسطة صادق الاحساس في المنتدى كبار الشعراء
    مشاركات: 5
    آخر مشاركة: 26-01-2010, 12:09 AM
  5. قصائد حلوه للشاعر جمعه الحلفي
    بواسطة صادق الاحساس في المنتدى ارشيف المواضيع
    مشاركات: 0
    آخر مشاركة: 24-01-2010, 03:55 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك