+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 10 من 24

الموضوع: زوجي.. واطباعه الغريبة ..ساعدوني الله يخليكم

  1. #1
    الصورة الرمزية بقايا حروف
    بقايا حروف غير متواجد حالياً شطوط قدم اوراقه للتعيين
    تاريخ التسجيل
    Dec 2010
    المشاركات
    120

    Confused زوجي.. واطباعه الغريبة ..ساعدوني الله يخليكم

    السلام عليكم

    مشكلتي يمكن سامعيها هواي ويمكن يتصورها
    البعض متستاهل بس اللي عايشة نفس ضروفي راح تحس
    بيه وتعذرني..
    مشكلتي مااعرف اتفاهم وي زوجي ..هو بوادي واني بوادي
    هواي حاولت اغير من تصرفاته واطباعه بس ..مكدرت
    ماانكر هو يحبني ويحب جهاله ..بس حب بدون تفاهم وانسجام
    واشتراك بالامور الحياتية ميكفي..
    للاسفف اكتشفت عدم انسجامنا بوقت متأخر ..والسبب اهلي
    بعد العقد بيومين صار الزواج ..وطبعا قبل العقد مجنت اكدر احجي وياه
    لو اعرفه زين واتعرف عليه طبعا التقاليد صارمه وهي اللي اذتني
    مااعرف ليش محد مقتنع انو الوقت اتغير والزمن غير الزمن ..بس شكول اني لا حول ولا قوة
    اسمي محكومة لاهلي جنت ..
    زوجي عباره عن انسان مهمل بكل الامور اللي تجي ابالكم..من ناحيتي وناحية
    بيته واطفاله وحتى نفسه .. ماااعرف هو لحد هسه عايش حياهة العزوبية
    لا يشركني بأسراره ولا بأي شي..امنيتي يكعد يسولف وياي ..لحد الان يومية
    اكتشف بي شغله شكل !!
    كل اليعرفونه حاسديه عليه بدون مبالغة ولله العظيم ..اجتماعية ونظيفة واحسب حساب
    لحجايتي الف مرة ومداريته ومدارية اطفالهوكولشي ممكن يتمناه الزوج من راحه بال
    واستقرار بس هو مااعرف ..عنده اصدقاء سوء يقرون براسه ..لحد هسه احس
    عقله ممكتمل بعده ..! يعني اراقبه مثل مراقبتي لابني ..
    اكو شغلات تنجرع ممكن اتغاضى عنها واتعود عليها او اغلس عنها بس مو كل الشغلات
    ..مثلا مرة صديقة طلب منه البيت مالتنه يبقى بيه يومين وهو بغير محافظة يعني وع اساس
    يريد يزور مااعرف شنو اجه يكولي روحي لبيت اهلج وهمه يباتون بالبيت ..انتوا شتشوفون هذا الشي منطقي خصوصا بهالوقت الواحد بجاره ميأمن انطي بيتي لعالم مااعرف اصلهم من فصلهم
    اني اصلا اشوف تفكيره وتصرفاته انسان مو سويّ شلون اصدق بيه من يكول
    ذوله ناس ثقة وماعدهم شي ..يمكن حتى ميعرفهم شنو ماشنو !
    رفضت طبعا وكتله هاي شغله صعبه وانتهى الموضوع بعد نقاش وحرب اعصاب ..
    وقبل يومين هم من اقاربي بس همه اصدقاءة كولش يعني اجوا يمه بالبيت جان يكولي
    روحي لاهلج اليوم يردون يباتون يمي همه كولمن ماخذ مرته لاهلها وانتي هم روحي
    ..كتله زين شعليكم مني عدكم البيت جبير وعدكم مكان معزول وبراحتكم..كلي
    لا همه يردون يخلصون من هوسة الجهال انوب هنا جهالج واحنه نريد نكعد خاف نحجي بصوت
    عالي نشرب جكاير وتضايقين روحي لاهلج احسن ...هالحجي شنو داايحاجيني كدامهم
    يعني اتصوروا الاحراج !!!!
    طبعا مقبلت كتله اني عند اهلي ماارتاح همه عدهم جهال واني عندي جهال وماارتاح الا ابيتي
    زعلوا الجماعه واخذوا نظرة موحلوة عليه !!!
    والبارحه هم نفس الموضوع ..واحد من اقاربي هو يداوم ابغداد وعنده جماعه يعرفهم جان يريد
    يخطب بنتهم بس مصارت ..اتصل بيه كلي يردون يجون جماعه هيج وهيج علمود يزورون
    واريد تنطيني بس يوم وباجر يرحون وانتي روحي لاهلج ..اني طبعا موراضية بس خليت الشغله
    وراه غير هو رجل البيت ويعرف يتصرف حتى اني معذورة ابوقتها زوجي رجال غريب واني محكومة اله
    .. اجه زوجي من الدوام ..كتله هيج وهيج الشغله خاف يفتح الموضوع وياك لتقبل كوله مااقبل مرني
    اتبات بره بيتها وانت من يمك حل الموضوع اتفقنا وكال اي وشلون اخلي عالم مااعرف ابيتي ومااعرف شنو يعني قنعني غير ... وراها جان يجي هذا اقاربي وفتحنا الموضوع كتله زوجي ميقبل
    على هاي الشغله كال مو حجيت وياه وماعنده اعتراض كتله لا اتصل بيه كدامي وشوف شيكولك
    هو مقبل وكلب الدنيه ومااعرف شنو يعني خليت الامور بيده (ع اساس هو فلته ) ههه
    اتصل بيه كدامي اتصدكون يضرب حجايتي عرض الحايط ويكوله صار يلله خل يجون !!!!!
    اتصلت بزوجي وره مطلع الولد جان يكولي استحيت منه ولله وكام يلح عليه ويكول عيب مو عزمت الجماعه ...واني شكو متجيبهم واني موجودة بالبيت شنو ايجار هو ؟!!! لو فندق ؟!!
    الجماعه اللي يردون يجون عائلة ومن ضمنهم البنت اللي جان يريدها وهمه جماعه منفتحين واحنه كاعدين بمكان حساس وجيران يمي مشتغلين مراقبه واحد ع اللاخ يعني منين
    ماافكر بالسالفه اشوفها صعبه ومتصير ..اريد اعرف هذا ليش يتصرف هيج يريد يموتني
    هسه لا اكول عنده سوالف بنات وهاي الامور حتى ارتاح واعرف السبب الرئيسي
    بس هو يستحي من المقابل وفقير وهاي فقاريته مسوية حياتنه جحيم
    الولد هذا هم زعل عليه هسه لان رفضت هم كدامه واخذ نظرة عليه ..ويومية تتكرر
    هاي الشغلة واتخارب وي الناس من وراه .. وتصرفات هواي استغرب منها ومتعبتني هواي
    انطوني حل وحللولي شخصيته اريد اعرف هذا بيته واني مثل ميكولون شريكة
    حياته لو مجرد زوجة وبس ..ساعدوني


  2. #2
    الصورة الرمزية بقايا حروف
    بقايا حروف غير متواجد حالياً شطوط قدم اوراقه للتعيين
    تاريخ التسجيل
    Dec 2010
    المشاركات
    120

    افتراضي

    ههههه .. يعني موضوع راقي؟
    هيج شايفه؟؟
    نورت الموضوع اخوية
    تحيتي لك

  3. #3
    الصورة الرمزية محمد الرحال
    محمد الرحال غير متواجد حالياً شطوط كاعد يتدرب للتعيين
    تاريخ التسجيل
    Mar 2011
    الدولة
    العراق/ البصرة
    المشاركات
    905

    افتراضي

    مساء الخير

    في امور كثيرة انو الزوجة تقدر انو تخلي زوجها خاتم باصبعها

    وتخليه يسمع كلامها

    ويطبقه بكل حذافيرة

    بس يا الغلا شويه شغلي عقلك

    واستخدمي كل شي بمكانه المناسب

    تحيتي لك




  4. #4
    الصورة الرمزية ســت الـبنـات
    ســت الـبنـات غير متواجد حالياً شطوط حاط عينه على الوزاره
    تاريخ التسجيل
    Sep 2010
    الدولة
    بين آهات روحي
    المشاركات
    10,661

    افتراضي

    ياأختي مشكلتك صعبه جدا
    والحل كوله بأبيده
    لكن انتي ممكن تفهمي بالهدوء
    وتتكلمين معاه بواقعيه
    عن حياتكم وتصرفاته
    وانه هو رجل البيت
    ولازم يفكر بيكم ويهتكم اكثر
    وحسسي انه انسان رائع وصعب يتعوض
    عسى انه يتغير

    واذا مسمع كلامك
    وبقى مصر على رأيه وتصرفاته
    تكوليله
    انتي بعد متتحملين هيج وضع
    وراح تتركي

    يمكن ربي يهدي ويعيد حساباته
    هذا رأيي الشخصي
    واتمنى اكون افدتك ولو بشيء بسيط
    وياريت لو تخبرينا عن وضعك
    حتى نطمئن عليك اكثر

    ربي يسعدكم


  5. #5
    الصورة الرمزية بقايا حروف
    بقايا حروف غير متواجد حالياً شطوط قدم اوراقه للتعيين
    تاريخ التسجيل
    Dec 2010
    المشاركات
    120

    افتراضي

    شكرا لتواجدك اخي الرحال

    وشكرا لتواجدج ونصيحتج اختي ست البنات
    بس ولله اللي كلتوا عليه سويته واكثر
    حتى كم مرة رحت زعلانه لاهلي بسبب تصرفاته
    بس امي تكولي دائما من اتصير مشكله
    وياه تكولي هذا طبعه وابو طبع
    سألي عن سلامته مثل ميكولون
    بالهدوء والمسايسه ينكلب طنطل ويضوج يعني
    مثل اللي يحس بنفسه نقص او عيب واني احاول
    انبها او اغيره ..ميقبل ..ميريد نصيحتي ..ميسمع كلامي
    اكوله اني شريكتك..لا \زم اشاركك بكولشي
    مرات حتى من يريد يبيع شغله من البيت ميشورني
    يجي ويكولي اني بعت الشغله الفلانية ..اكوم انفعل ..انقهر
    اتعارك اتكول وي نفسي هو ولا يمه
    يدري بيه ازعل اروح لاهلي يومين 3 ايام اضوج من هوسة
    الجهال وارجع هههه
    عنده مثل العسل ... يعني مرات احس نفسي مظلومة وياه


  6. #6
    الصورة الرمزية ســت الـبنـات
    ســت الـبنـات غير متواجد حالياً شطوط حاط عينه على الوزاره
    تاريخ التسجيل
    Sep 2010
    الدولة
    بين آهات روحي
    المشاركات
    10,661

    افتراضي

    لعد اذا انتي حاولتي ومنفعت الطرق السابقه
    الحل الافضل هو تجاهلي
    وعلى قدر استطاعتك كون قليلة الكلام
    الا عند الضروره
    يعني انتي غيري شخصيتك
    خلي يحتار
    واذا احتار راح يزداد تفكيره بيج
    وشوي شوي يهتم


  7. #7
    الصورة الرمزية بقايا حروف
    بقايا حروف غير متواجد حالياً شطوط قدم اوراقه للتعيين
    تاريخ التسجيل
    Dec 2010
    المشاركات
    120

    افتراضي

    اعتذر اولا اختي ست البنات لتاخر ردي
    عليكي بالرد على رسالتك لان مشاركاتي اقل ال100
    وتعرفين قوانين المنتدى
    بالنسبة لنصيحتج طبعا معقولة وحاولت قبل فتره اجربها
    بس كام يتصرف بالعناد ..ويستفزني ..
    يعني خاف اجربها مرة ثانية واني اللي مااتحمل
    لان عنده فد تصرفات تنطق الحجر مو انوب اني
    يعني مثلا اذا يرجع يبيع شغله من البيت اسكت واتجاهل
    ؟ لو يجيب جماعه مااعرف منين ما منين ويبيتهم ابيتي هم اتجاهل
    ؟؟
    مو سوالفه تقهر ومو صحيحة !!!


  8. #8
    الصورة الرمزية ميرال
    ميرال غير متواجد حالياً شطوط نائب مدير الدائره
    تاريخ التسجيل
    Feb 2010
    المشاركات
    5,198

    افتراضي

    ههه والله هيه مشكله غريبه شوي بس انه اشوفه يتغير
    صحيح يرادلها صبر شوي بس يتغير لان مثل مكلتي تصرفه طفولي
    ومع الاحتكاك مع الناس وتصير بيه (دكات ) انتي لا تحرقين باعصابج
    وظلي تصرفي وياه بتعقل عسى الله يهديه وما دامه ما عنده سوالف منا منا
    شوي رخي الحبل لا بكلشي تعترضين
    تقبلي مروري

  9. #9
    الصورة الرمزية المخبل
    المخبل غير متواجد حالياً شطوط مدير عام الدائره
    تاريخ التسجيل
    Aug 2010
    الدولة
    بمستشفى المجانين
    المشاركات
    7,939

    افتراضي

    المشكله بيج انتي مو بزوجج

    كَولي شلون ؟؟


    اولا انتي تكَدرين تخلينه يسمع كلامج بكلشي وتكَدرين تقنعينه بأي شي انتي تريدينه


    بس اكو طرق واساليب يجب اتباعها


    1- اهمليه فترة ولت***ينه اي انتباه

    2 - الي يكَلج عليه لتسوينه


    3 - اذا جاب اي خطار للبيت سوي اكل محروكَـ او اي شي يدل على انج مو مرة بيت



    وهو تلقائيا راح يضوج بعد اسبوع او اقل وراح يسألج


    ليش تسوين هيج


    وانتي هم راح تلبسينه ومجاوبينه


    واذا بقى يلح انتي اخذي اطفالج وروحي بيت اهلج بدون كلام



    وبعد فترة راح يجي لبيت اهلج ويعتذر منج ويصير مثل الساعه

    بس انتي اصبري


  10. #10
    الصورة الرمزية بقايا حروف
    بقايا حروف غير متواجد حالياً شطوط قدم اوراقه للتعيين
    تاريخ التسجيل
    Dec 2010
    المشاركات
    120

    افتراضي

    شكرا لاهتمامكم ووكفتكم وياي
    وهم راح اجرب واذا مافاد وياه..اشتكي لرب العالمين للمرة الالف !!!

    تحيتي لكم


+ الرد على الموضوع
صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك