الموضوع: كان ياماكان في قديم الزمان هنالك شخص مدري وين صفه بيه الدهر , و ادخل حتى تسمع القصة

السلام عليكم

يابة مشتاق لكم كلش هواية

فبعد العطل الي سواه المدير بالمنتدى حتى يشوفنه و المعلومات الي وصلتني اكو طيبين يسالون عليه قررت اكتب لكم و اكول لكم انا عايش و الحمد لله في جزيرة العلم و غركان بين الكتب و في غرف المختبرات اعمل على مشروع اخر سنة بالاضافة الى الاطروحة

المشروع نشرت عن قليلا بالفيسبوك و هو عبارة عن تطوير برامج لشبكة اتصالات مملكة السويد المخصصة للشرطة و الدفاع المدني و الطوارىء و غيرها من الدوائر الخدمية
و هذه الشبكة تعتبر اهم تكنلوجيا سويدية في اوربا و تستعملها السويد بتخصيص من ميزانية الدولة لهدف تامين المواطنين في حال وقوع كوارث و الحمد لله و الشكر السويد ماصار بيها كوارث و لا راح يصير لان شعب ادمي

اهم شيء بالشبكة انها مشفرة و محد يكدر يفك شفرتها و احد اهم العوامل الي خلت هذا الشيء يصير لان محد يحق له استعمال الشبكة سوى الي مسموح لهم و تمتلك ابراجها الخاصة و اقمارها

الشبكة قديمة و كي تتصل بها يتطلب جهاز اتصال خاص مثل النوكيا القديم طابوكة يجزع الواحد استعمال الجهاز فلذلك نعمل الان عن طريق شركة اولكت لنا عقد التطوير على تطوير برامج لجهاز لوحي انشاء نظام تشغيل و تصميم لهذا الكمبيوتر اللوحي.

العمل جدا ممتع و فريق العمل الرئيسي مكون من 9 مهندسين و هنالك ادارين في مدن مختلفة و شركات طرف ثالث ايضا نعمل معهم


خلصنا المشروع, الى جانه هنالك الاطروحة و حاليا اعمل على اكمال اطروحتي و التي بعد فضل الله و فضل الناس الي اخترقوا المنتدى من صب جل جهدي في الحماية و الاطروحة تتناول موضوع الحماية من ناحية البرمجة و البرامج و الطريق الافضل للحماية و نعمل في الاطروحة انا و زميل و لدينا في مكتب لوزد مختبر و لدينا تواصل مع شركات المدينة التقنية لاكمال الابحاث هنالك ايضا وعلى راس هذه الشركات شركة اريكسون و فوجيتسو.

هذا كان اختصار المرحلة المقبلة التي سوف نرى نتائجها في الصيف ان شاء الله

على الصعيد العراقي و التطويرات.

لوزد تمتلك اليوم نظام متقدم لمعالجة الصور و حفظها و بثها و يعتبر من ارقى الاختراعات التي توصلت لها و عرض على مجموعة شركات بهدف بيعه و تطويره اكثر. الان هنالك ابحاث لدراسة الفكرة و طريقة عملها من قبل الهيئة حفظ الحقوق و العلامات التجارية السويدية و سوف يتم تسجيلها ليتم حفظ الحقوق ان شاء الله.
النظام الذي اتحدث عنه تم تجربة جزء بسيط منه في شط العرب عبر خدمة الصور التي ينشرها الاعضاء في المنتدى و تظهر عليها حقوق شط العرب.

على الصعيد الداخلي للمنتدى: قبل قليل تم صيانة السرفر و اعادة نشاطه

على الصعيد الداخلي لي: لازم اروح هسه لان بعد شوية تبداء محاظرة و لازم احضرها و اشوفكم على خير ان شاء الله.


تحياتي لكم ياطيبين

ههههههههههههههههههههههه
الله يساعدك و الله اني عن نفسي عاذرك و اعرف وضعك و ضروفك
و شغلك و دراستك و مشروعك باقرب وقت انشالله
يارب تكون بخير و سلامه و تخلص مشاغل الدنيا الي مترحم و نشوفك بكل خير
احله شي من اتصلت بيك مسمعتها جان الخط يقطع سالتك هل المشترك على قيد الحياه هههههههههههههههه

ربي يوفقك انشالله

سالتك هل المشترك على قيد الحياه

ههههههههههههههه احلى شيء لمن شفت اسمك بالشاشة و الموبايل يدك كلت كلت بس لا الشبكة اتقطع تبين صافي يخبل كلشيء ماسمعت غير زززززززززززززززززززززز

والله افكر اسوي شبكة موبايل جديدة و امسيها شط العرب و ماانطي خطوط بس الي طالعه روحة من الشبكات الثانية, مايراد لها شيء هو كم سرفر و اريلين و و دك للصبح

تحياتي ياطيب, و نسمع اخبارك الطيبة دائما ان شاء الله

والله اي شبكه تدخل للعراق جديده اني اول واحد اغير عليها
بس هم المحتركين السوق 3 شبكات و تنطي رشاوي خير من الله
و اغلى الاسعار و اسوء خدمات

شنكول غير النا الله

منورنا اليوم

ربي يوفقك بعملك

الف هلا ومرحبا .
اسعدتنه بموضوعك وكلامك الجميــل .
ويا ربي التوفيق والتألق بالحياة . وتحقيق الامنيات .

تح ــــــــــــــــيتي تسبقها كافة ورودي .

ما شاء الله عليك
شكد حلو شغلك ربي يوفقك
اشجعك تسوي شبكة اتصالات و تشغلني بيها
وياك ترى انا هم مبرمجة ههههههههههه

طلع المدير معطل المنتدى ههههههههههههههههههههههههه

ابو يوسف بس خلي نشوفك متواجد كلشي منريد

وبالموفقية الك يارب

منور المنتدى خيو
ربي يوفقك

هلا ومليوووووووووون هلاااااااااااااااااااااا

منور اخوي احمد كل الهلا فيييييييييييييييييييييييييك

الله يوفقك بعملك ويحفظك من كل مكرووووووووووووه

ومثل ماقال اخوي حيدر منريد شي بس تتواجد وماتنقطع اهم شي

تحيااااااااااااتي الك يااااااااااااااااااااطييييييييييييييييييب .